Tuladhane GEGURITAN

GEGURITAN 

karya : Desti Ratna Kurniawati

ULEM ABANG

Awakku bali saka lunga

Sanadyan nduwe kekarep bisa turu angkler

Ning, apa daya awak iki

Weruh ulem abang ing kursi

Tak waca nganti premati

Mak tratap ing ati

Eluh kang tumetes ing pipi

Duh gusti kang handarbeni

Cobaan apa maneh iki

Rasane perih nganti tlenging ati

Ana jenengmu ing jero ulem abang

Sliramu kang bakal nyandang

Nyandang dadi bojone liya

Kabeh kekarepan ambyar

Ambyaaaar !!!

Ambyar sa paran paran

JAMAN EDAN

Jaman saiki,

Jaman uwis edan

Jaman wis ora karuan

Ora ndheleng sapadhan-padhan

Apa kang miturute becik ing badhan, 

kabeh kudu kasembadhan

Padha ngumbar hawa lan nepsu

Jaman edan,

Jaman sing saben manungsa kudu tenanan

Kudu gelem prihatin

Ngeningke cipta manunggal rasa

Manembah gusti kang maha suci

Supaya cedhak ing ngarsane gusti

PANGGIH PANGANTEN

Tumuthing gendhing kinanthi

Lampahipun sri panganten putri

Tumuju ing dapur keprabon

Anjangkah sapecak mungu, sapecak kendel

Ugi tumuju ing sri panganten putra kalian bapak ibu

Kalampahn adicara kang sinebut panggih panganten

Balang suruh, pidhak tigan

Sindur, timbang, tanem jero, lan kucar kucur

Kanthi sumungkem pratandha dingabekthi

Sedaya suka bagya

Cinaketing ing memitra

WANITA

Wanita,

Nuweni teges wani di tata

Ora pareng sembrana

Supaya adoh saka kadurjana

Wanita,

Seselake murih mundhak ndhuwur

Aja ojag ajig ora nemtu

Dadia wanita kang prasaja lan gembira

Kanthi bisa manehi ademing ati para kawula

 

 GUSTI 

Sang Tri Tunggal,

Cahyane nur kahuripan

Cipta, karsa, rasa, lan kwasa

Awujud dumadi kang kinarti

Gusti,

Cipta alam iki

Kabeh titahe Gusti Ilahi

Roh sejati jumeneng ing dhiri

Tlenging prahara ana lathi

Gusti,

Nyata tanpa mata

Ning mangerti tanpa dimuruki

Kawula mesti enggal bali

Bali ing ngarsane Gusti

Gusti, Gusti, Gusti Ilahi