Tuladhane Gurit

GURIT

PANGGIH PANGANTEN

Tumuthing gendhing kinanthi

Lampahipun sri panganten putri

Tumuju ing dapur keprabon

Anjangkah sapecak mungu, sapecak kendel

Ugi tumuju ing sri panganten putra kalian bapak ibu

Kalampahn adicara kang sinebut panggih panganten

Balang suruh, pidhak tigan

Sindur, timbang, tanem jero, lan kucar kucur

Kanthi sumungkem pratandha dingabekthi

Sedaya suka bagya

Cinaketing ing memitra

AKU

Wengi iki,

Wengi kang angegirisi

Kahanan katon sepi

Aku ngadheg jejeg

Pratandha aku lagi ngenteni

Ora polah, tetep ajeg

Wengi iki,

Aku dandan kanthi ayu

Kanggo sapa wae sing butuh aku

Aku wis wuta

Aku mung butuh artha

Aku rak ngerti apa kuwi dosa

Sing tak pikir, kepriye anggone supaya gembira

CIDRO

Yen pancen iki wis dadi cilaka

Jalara aku wis cuwa

Ati iki cidra

Duka, lara keranta-ranta

Rasa ati iku,

Angluwihi panasing dahana

Loh tumetes ing pipi

Ora bubar-bubar anggone aku nangisi

Tresnaku sing suci iki

Ko wales nganggo tai

Setya satuhu sing ora diregani